Fandriampahalemana

Mpangalatra manararaotra fahasahiranana

Fandriampahalemana
Zoma 31 Martsa 2023

Saika matin'ny fitsaram- bahoaka ilay tovolahy

Nisahotaka ny fokonolon'Analanjahana Fokontanin'Androkaroka kaominina ambonivohitr'i Manararaotra ny marainan'ny 28 martsa teo. Nahatratra tovolahy iray nangalatra mantsy izy ireo izay nahatrarana entana halatra. Mahatsiaro ho sahirana loatra amin'ny fiatrehana ny fihainana mantsy ny tsirairay nefa mbola manao ny hataony ihany ireo mpangalatra. Niharan'ny fitsaram- bahoaka ilay lehilahy noho izany izay vao 32 taona monja. Ny sasany namely ny lohany. Ny sasany nikapoka ny tongony raha tsy vitsy ihany koa ireo nanala ny akanjony. Raha vantany vao nahare izany ny polisy dia tonga namonjy azy ka nitondra azy tany amin'ny mpitsabo. Somary voa mafy ihany moa ny lehilahy noho ny hatezeram-bahoaka nihatra taminy saingy tsy misy ahiana ny ainy hoy ny vaovao. Tsiahivina hatrany fa melohin'ny lalana ny fanaovana fitsaram- bahoaka. Eo an-daniny ihany koa anefa dia tokony ho tonga saina ireo.mpitandro ny filaminana sy ny eo anivon'ny fitsarana hanasazy ireo mpambotry fa tsy sanatria mifonja indray andro izy ireny dia miverina mirihariva eny anivon'ny fiaraha-monina indray.
Nangonin'i Pâti