Fandriampahalemana

Mpangalatra 3 lahy tany Betafo « Biscuit » sy vovon-tsavony no saika nahafaty

Fandriampahalemana
Talata 17 Janoary 2023

Telolahy nangalatra bisikoitra, menaka baume sarabe, fanafodin'omby ary vovon-tsavony no saika matin’ny fitsaram-bahoaka tany Mahaiza sy Mahamarina, kaominina Betafo omaly.

Raha tsiahivina kely ny tantara dia nisakana vehivavy iray avy nivarotra tao Mahaiza Antamponandrindra izy telolahy ireto ny 13 janoary teo. Norobainy tamin’izany ny fananan’io vehivavy io toy ireto entana halatra nalaina voalaza etsy ambony ireto. Niara-nientana nanao fikarohana nanampy ilay vehivavy ireo mponina avy ao Mahaiza sy Mahamarina, kaominina Betafo ka tratra soamantsara izy ireo. Ho atolotra ny fitsarana rahampitso Alarobia moa izy ireo raha araka ny fantatra aorian’ny fanadihadiana hataon'ny mpitondra filaminana.
Pati
Legende : Ireto izy telolahy