MPANENDAKA TAXI MOTO

Partagé sur :
• facebook

Mpamily taxi-moto iray no voaendaky ny mpanao ratsy teo Ampanengenana Fokontanin' Andranonomby,

kaominina ambanivohitr' Ambohimalaza, distrikan' Antananarivo Avaradrano ny 26 May lasa teo tokony ho tamin'ny 09 ora maraina. Niantso vonjy haingana ny voaendaka ka ny mponina teo amin'ny manodidina no niantso ny mpitandro ny filaminana. Raha tsiahivina kely ny tantara dia nifanaraka tamin'ilay mpamily moto ny tovolahy iray fa hitondra azy ho any Ambohimalaza. Raikitra ny ady varotra. Nisy lehilahy iray voalaza fa dadatoa anefa noraisina teo amin'ny sampanana Imerinkasinina. Mbola notarihin'ity dadatoa niala tamin'ny làlana mangina anefa ilay taxi-moto fa misy taratasy alaina vetivety,hono. Notaomin'izy ireo hisotrosotro fa nandà ilay mpitondra moto ka avy hatrany dia namoaka big_boss izy roalahy nitifitra itsy voalohany, antony nahafanina azy.Natosik'izy ireo ilay moto Racing 150 avy eo. Vokatry ny fiaraha-mientan'ny fokonolona sy ny ezaky ny zandary anefa dia tsy lasa lavitra akory ilay mpanao ratsy dia tratra teo am-panosehana ilay moto. Ilay dadatoa kosa tsy hita izay nanjavonany rehefa niala teo amin'ny nahazoany ilay moto. Nosavaina ny tranon'ity voasambotra ka nahitana moto marika Milango_2580_TBG iray tsy misy taratasy mazava. Nogiazana avy hatrany ity moto farany raha naverina tamin'ny tompony kosa ilay moto racing. Efa natolotra ny fitsarana moa ny raharaha ka nidoboka am-ponja vonjimaika ilay voasambotra. Mitohy kosa ny fikarohana ilay namany.
Pati
Légende : Ity ilay tovolahy mpanendaka mpitondra taxi-moto !
 

Tia Tanindrazana

Samia mijoro ho an'i Gasikara.