Fandriampahalemana

Mpanendaka eny Behoririka Manodidina ny 19 taona eo avokoa

Fandriampahalemana
Talata 30 Aogositra 2022

Ankizy vao erotrerony avokoa ireo mpanendaka eny Behoririka. Tovolahy kely iray vao 19 taona monja no tratra

ambodiombin'ireo Polisy avy ao amin'ny 2 eme compagnie Urbaine Intervention Tsaralalana teny amin’iny faritra iny omaly alatsinainy 29 Aogositra rehefa nanao harom-paosy teny an-toerana . Tokony ho tamin'ny 11 ora sy 30 minitra teo ho eo izy no tratra. Lehilahy iray variana nanontany vidin’entana no nodominy mafy tampoka. Fantatr’ilay lehilahy fa misy mangarona ny paosiny araka izany ka niantso avy hatrany ireo Polisy izay tsy lavitra teo izy. Nitsoaka ity mpanao ratsy ity rehefa nifanenjehina ka tratran'ny Polisy ihany tsy alavitra teo. Noentina tany amin’ny birao ity farany nanaovana fanadihadiana. Araka ny fantatra tao anatin’ny fanadihadiana natao taminy dia efa fanaony izao asa ratsy izao sady efa fetsy amin'ny resaka harom-paosy izy ka tsy mifidy izay tratrany na mpiantsena io na mpandalo. Miandry ilay olona variana manontany sy hividy entana iny izy ka amin’izay no hanaovany ilay harom-paosy Eny Behoririka sy Building Ramaroson Soarano no fantatra fa toerana fanendahany.
Nangonin’i Pati