Fandriampahalemana

Mpanendaka eny Antohomadinika Nahatrarana antsy maranitra sy fitaovam-pitsindromana rongony

Fandriampahalemana
Alakamisy 01 Septambra 2022

Tena tsy misy izay tsy miara-dalana amin’ny rongony intsony ireo mpanendaka eto amintsika. Sady mifoka mantsy izy ireo no mampihatra herisetra amin’izay olona sendra azy,

antony mahatonga ireo tsy manan-tsiny sasany ho voaolana sy voatsindron’antsy. Manaporofo izany ny fisiana mpanendaka roa efa fanta-daza tratra teny amin’ny toby fiantsonanan’ny taxibe eny Antohomadinika. Niaraka tamin’ny antsy mananitra iray sy fitaovam-pitsindroman-drongony izy ireo nandritra izany. Andro mazavabe tokony ho tamin’ny 04 ora hariva no nahatrarana azy ireo teny an-toerana izay fantatra fa mponina avy ao Ambodivoina Anosizato Andrefana. Polisy nanao fisafoana moa no nahatratra azy ireo izay marihina fa mitondra kitapokely hatrany hanafenany ireo fitsindroman-drongony sy fitaovana famonoana olona entiny.
Pati