MPANENDAKA ENY ANDOHATAPENAKA

Amin’ny 04 ora hariva dia efa mivoaka

Fandriampahalemana
Zoma 15 Septambra 2023

Tafiditra ao anatin’ny faritra mena ny faritr’Andohatapenaka sy ny manodidina iny. Vao tamin’ny 04 ora hariva ny 12

Septambra lasa teo dia tovolahy iray vao 23 taona monja mpanendaka no tratra nitondra antsy maranitra nivezivezy teny an-toerana. Polisy manao fanamiana sivily no nahatsikaritra azy io rehefa nikasa hanendaka olona teo amin'ny tobim-piantsonan’ny taxibe akaikin'ny Vaniller Hotel. Vao nanatona ny Polisy dia nandositra ity farany saingy tratra ihany. Araka ny angom-baovao azon'ny Polisy dia efa matetika manao izao asa ratsy izao eny amin'ny manodidina ny 67ha ity farany sy ny namany hafa. Maromaro izy ireo no manao izany ka mahavita manindrona antsy olona mihitsy ny sasany na dia amin’ny volakely 5.000 Ar monja aza. Hiakatra fampanoavana anio Zoma 15 Septambra moa ny raharaha. Nangonin’i Pati
Legende : Ity ilay ranamana mpanendaka miaraka amin’ny antsy eny Andohatapenaka !