Mpanao volo eny Ambohipanja

Nisy nanondraka asidra

Fandriampahalemana
Alatsinainy 04 Mey 2026

Ny harivan’ny zoma teo,

raha ny fampitàm-baovao voaray, andro vao amin’ny 6 ora sasany hariva, no nitrangàna fanondrahana asidra nataona mpisotasota teny amin’iny faritr’Ambohipanja iny. Mpivady avy niasa, niaraka teny ambony kodiaran-droa na moto, no nitrangàn’ity habibiana ity, hoy ny fanazavàna. Notondrahan’olona iray ny asidra ilay renim-pianakaviana teny ambony moto. Tsy nisy hoe entana na vola na fitaovana sarobidy nalain’ilay olon-dratsy teny aminy fa dia asoparana tsotra izao fotsiny no nitranga. Nifanenjehina ity mpanao ratsy ity saingy tsy hita izay nalehany. Mpanao volo eo Ambohipanja ity ramatoa lasibatra ity. Manaraka fitsaboana eny amin’ny hopitaly CHU-JRA izy amin’izao fotoana izao, raha ny fampitàm-baovao voaray farany hatrany.
Nangonin’i J. Mirija