Fandriampahalemana

Mpanafika cash point teny Ankasina Voatifitra teo amin’ny fitombenany ilay jiolahy

Fandriampahalemana
Alarobia 11 Janoary 2023

Nisehoana fanafihana cash point teny Ankasina omaly takariva, araka ny tatitry ny polisim-pirenena.

Polisin'ny boriborintany fahafito na CSP7 nanao fanamiana sivily no nahita ireto andian-jiolahy nanafika lehilahy iray nitondra vola harotsaka (dépôt) teo amin’ilay Cash point. Nanavotra ilay lehilahy ny Polisy ka nitifitra avy hatrany ireto andian-jiolahy. Vokany , voan'ny bala teo amin'ny fitombenan'ilay jiolahy iray, ary tsy afa-nihetsika intsony raha tafatsoaka kosa ireo namany miisa 02, araka ny tatitry ny polisim-pirenena hatrany.Avotra soamantsara kosa ilay lehilahy ary tsy nisy ihany koa ny vola lasan'ireo olon-dratsy.
Toky R