MPAMAKY TRANO TAO MAHAJANGA

Tratra niloloha tele teny an-dalana

Fandriampahalemana
Talata 24 Septambra 2024

Tovolahy miisa 02 no voasambotry ny Polisin’ny UIR miasa ao Mahajanga，Fitaleavam - paritry

ny Filaminam- bahoaka Boeny tao amin'ny Fokontany Corniche Mahajanga rehefa namaky trano alin'ny 22 Septambra hifoha 23 Septambra teo. Nandritra ny fisafoana nataon'ny Polisy tao amin'ny tampon-tanànan'i Mahajanga no nahatsikaritra lehilahy iray nilanja vata fahitalavitra iray izy ireo. Rehefa nohatomorina dia fantatra fa tsy dia nazavazava ny fiavian’ity vata fahitalavitra noentiny ity. Avy hatrany dia noetina namonjy ny birao moa ity farany. Fantatra tamin’izany fa avy nangalariny ilay entana noentina ary mbola nanondro ny namany iray izy izay voalaza fa niaraka nanatanteraka taminy ilay asa ratsy izy. Nosambirina koa ilay namany. Mbola nahitana karazana entana halatra hafa koa moa ity farany nandritra ny fisavana natao taminy.
Pati
Legende : Ireto izy roalahy tratra !