Mpamaky trano

Efa niaraka tamin’ny mofo dipaina misy poizina kinanjo….

Fandriampahalemana
Zoma 30 Aogositra 2024

Tovolahy iray vao 19 taona avy nivoaka ny fonja tamin’ny volana Jolay lasa teo no

fantatra fa saron’ny zandarimariam-pirenena teny Ambohimangakely indray ny Talata 20 nifoha Alarobia 21 Aogositra teo. Tmin'ny 12 ora alina izy io no nifanena tamin'ny zandary mpanao fisafoana. Kaodikaody sy mahimahina izy nandritra izany ka nosavaina ary nosamborina noho ny fahitana fitaovana sy entina manao ratsy tany aminy. Anisan’izany ny Clés maromaro plats, pipe ary étoiles izay hampiasaina hamakiana fiara. Niampy tapa-mofo dipaina misy poizina sy paraky entina hanapoizinana alika alohan'ny hanaovany asa ratsiny izany. Misy namany hono saika hiaraka taminy saingy tsy hitany no sady tsy hainy ny anarany.Natolotra ny fitsarana moa ny anaolahy ka dia niverina nody eny Antanimora indray hihinana mangahazo.
Pati