Fandriampahalemana

Mpamadika sendra dahalo 6 namoy ny ainy, 2 hafa maratra mafy

Fandriampahalemana
Talata 05 Septambra 2017

Nitrangana asan-dahalo tany amin’ny kaominina Bemaha, Distrikan’i Betafo ny zoma 1 septambra lasa teo.

Olona avy namonjy famadihana no nifanehatra tamin’ny dahalo teny am-pandroahana omby miisa 20 avy nangalarina. Raikitra avy hatrany ny fifanjevoana fa noheverin’ireo dahalo hisakana azy ireo olona ireo. Vokany, olona 6 no matin’ireo dahalo dia mpitsoka mozika avy any Faratsiho niatrika ilay famadihana, tovovavy vahiny iray ary zaza vao herintaona. Taorian’izay dia nisy ny fanarahan-dia nataon’ny fokonolona an-jatony. Navelan’ireo dahalo ny omby ka tafaverina tamin’ny tompony ihany.

Caius R.