Fandriampahalemana

Moto nangalarina tao an-tsekoly Mpangalatra efa karohina fatratra no nahatrarana azy

Fandriampahalemana
Talata 25 Oktobra 2022

Tovolahy iray 22 taona no nosamborin’ny Polisin’ny Brigade féminine de Proximité tao Toamasina ny 21 oktobra teo tokony ho tamin’ny 04ora hariva rehefa tratra nangalatra moto tao amina sekoly iray.

Moto nipetraka tao amin’ny toeram-piantsonana tao amin’ny Ecole Notre Dame de Lourde ao Toamasiana izy io raha araka ny loharanom-baovao azo no nangalarin’ity tovolahy ity. Tazan’ny tompony nanosika io moto io ity farany ka niantso ny Polisin’ny BFP izay niasa tsy lavitra teo ity farany. Nosamborina avy hatrany ilay ranamana nanoloana izany. Rehefa natao ny fanadihadiana mikasika azy dia fantatra fa efa fanaony izao asa ratsy izao ary efa karohin’ny mpitandro ny filaminana any an-toerana fatratra izy.
Nangonin’i Pati
Legende : Ilay ranamana sy ilay moto nangalariny