Morarano Antongona

Taribin-jiron'ny Jirama 420 m nisy nangalatra

Fandriampahalemana
Alarobia 29 Jolay 2026

Lasibatry ny mpangalatra ny taribin-jiron'ny Jirama.

Fanairana nataon'ny mpanjifa mahakasika fihenan'ny tanjaky ny herinaratra any Faharetana, Morarano Antongona no nampihetsika ny Jirama avy hatrany ka nanao fitsirihana. Hita tamin'izany fa ireny taribin-jiro mitondra herinaratra mavesatra (Moyenne Tension) mirefy 420 metatra no lasan'ny jiolahy tao Antsahatanteraka, Morarano Antongona Faritra Itasy. Nametraka fitoriana an'olon-tsy fantatra eny anivon'ny manam-pahefana ny Orinasa Jirama mba hahafahana manokatra ny fanadihadiana noho io halatra taribin-jiro io. Etsy ankilany, manao ny ezaka rehetra hanafainganana ny fanoloana io taribin-jiro very io ihany koa ireo teknisiana nahafahana namerina amin'ny laoniny ny famatsiana herinaratra any an-toerana.
Jean D.