Mirado zaza15 taona, nirahina nividy kafe

Hita faty omaly, olona efa nigadra no namono azy

Fandriampahalemana
Talata 12 Septambra 2023

Omaly vao hita ny vatana mangatsiakan’i Mirado, ilay tovolahy kely vao 15 taona monja nirahina nividy kafe kinanjo

nanaovan’ny sasany teti-dratsy ka tsy namelany raha tsy afaka ny ainy. Ny 02 Septambra lasa teo izy raha tsiahivina no nirahina nividy kafe tokony ho tamin’ny 02 ora folakandro, tao amin’ny kaominina ambanivohitra Antanetibe Mahazaza ao Mahitsy. Tsy niverina intsony anefa ny anaolahy. Rehefa nandeha ny fikarohana dia nahazo antso tamin’ny finday ny Ray aman-dRenin’i Mirado izay nitaky vola mitentina 1.500.000 Ar tamin’izy ireo raha te-hahita an-janany velona. Indrisy anefa fa teny amin'ny tendrombohitra Tsiankaranosy, kaominina ambanivohitra Antanetibe Mahazaza no novonoin’ireo tsy mataho-tody ilay zaza. Rehefa nanokatra fanadihadiana ny zandary miasa ao amin'ny Poste Avancé Mahazaza sy ny borigadin’i Mahitsy dia lehilahy iray vao avy namita sazy nandritra ny 15 taona tany Antanimora no tratra ary fantatra fatompon'antoka tamin'izao raharaha izao. Niaiky ny heloka vitany izy ary hatolotra ny fitsarana Anosy afaka rahampitso Alarobia.
Nangonin’i Pati
Legende : Ity ilay lehilahy namono an’i Mirado !