Fandriampahalemana

Minisitry ny filaminam-bahoaka Nidina ifotony niarahaba tratry ny taona ireo mpiara-miasa

Fandriampahalemana
Alarobia 06 Janoary 2021

Tsy nisy ny fiarahabana manokana ho an'ny Minisitry ny filaminam-bahoaka noho

ny fahatrarana ny taom-baovao tamin’ity taona ity. Ny minisitra, Fanomezantsoa Randrianarison, izy tenany, sy ireo lehiben'ny polisy no nidina sy nanatona ireo polisy tany amin'ny toeram-piasany misy azy tsirairay avy niarahaba sy nirary soa azy ireo omaly, raha ny fampitam-baovao. Fomba iray entin'ireto lehiben'ny polisy misaotra sy mankasitraka ny polisy tamin'ny asa vitany nandritra ny taona lasa iny izany. Fankaherezana azy ireo amin'ny fanohizana ny ezaka ho any amin'ny tsara hatrany, indrindra, amin'ny fametrahana ny fandriampahalemana maharitra eto amin'ny firenena ihany koa anefa, hoy hatrany ny fanazavana.

J. Mirij