Fandriampahalemana

MANJA Vehivavy iray hita faty, voatapa-doha

Fandriampahalemana
Talata 13 Desambra 2022

Renim-pianakaviana iray manodidina ny 45 taona eo ho eo no hita faty efa tsy nisy lohany intsony tany amin’ny distrikan’i Manja afak’omaly alahady maraina.

Olona handeha hiantsena no nahita ny razana efa nivalampatra tsy nisy lohany intsony no sady mbola karazan’irony nafenina tao anaty kirihitr’ala irony ihany. Efa somary maina moa ilay ra tamin’ny faritra nanapahana ny lohan’ity renim-pianakaviana ity tamin’ny fotoana nahitana azy. Tombanan’ny sasany ho saika nalana voamaso ity Renim-pianakaviana ity raha ny zava-misy. Mbola misy ihany anefa ireo velona ka naleon’ireo mpanao ratsy notapahana mihitsy ny lohany raha ny tombatombana hatrany. Miantso ny Fitondram-panjakana mba hijery ny zava-misy ireo mponina any Morondava sy Manja manoloana izao tsy fandriampahalemana mirongatra any an-toerana izao.
Nangonin’i Pati