Fandriampahalemana

Manandriana Anjakan�ny asan-jiolahy tanteraka

Fandriampahalemana
Alakamisy 11 Mey 2017

Tena mavaivay ny resaka tsy fandriampahalemana isan�andro any amin�ny distrikan�i Manandriana Faritra Amoron�i Mania noho ny fanafihan�ny dahalo mirongo fitaovam-piadiana mahery vaika, indrindra ao amin�ny kaominina 3 dia i Vohimena,

Anjoma Nandihizana ary ao Ambohipo, hoy ny solombavambahoakan’i Madagasikara voafidy tany an-toerana, ny depiote Andrianjanahary Fanomezantsoa. Vao tamin’ny alahady lasa teo fotsiny izao no nisy fanafihana nataon’ny dahalo ka nahafatesana miaramila kaporaly iray ary dia lasan’ny olon-dratsy tamin’izany ny basy kalachnikov nentiny niaraka tamn’ny “chargeur” sy ny bala nahatratra 60 isa niaraka taminy. Manao izay ho afany ny fokonolona any an-toerana sy ireo mpitandro ny filaminana misy saingy be no ho vitsy sady tsy ampy fitaovana ka matahotra. Miantso ny fitondrana mahefa ny tenako, hoy ity depiote ity, indrindra ireo tompon’andraikitra mivantana amin’ny resaka fandriampahalemana mba hijery akaiky ny toe-draharaha misy any an-toerana sy handray andraikitra avy hatrany hamaha ny olana fa tena tandidomin-doza ny distrikan’i Manandriana. Mila ampiana ireo mpitandro ny filaminana any an-toerana sy ny fitaovana ampiasainy fa ao amin’ny borigadin’i Manandriana dia tsy misy afa tsy zadandry 11 no miasa amin’ny kaominina 10 misy ary 3 monja ny ao amin’ny tobin-janaparitra (postes advances) ao Talatan’i Vohimena.

Ntsoavina Evariste