Fandriampahalemana

Manakara Tratra ireo namono ilay tovolahy mpanangona lavanila

Fandriampahalemana
Alatsinainy 24 Aogositra 2020

Lehilahy telo no nosamborin’ny polisy avy ao amin’ny DRSP Vatovavy Fitovinany tao Manakara ny zoma 21 aogositra teo noho ny resaka vono olona nitranga tany an-toerana ny talata 18 aogositra lasa teo.

Raha tsiahivina kely ny tantara dia lehilahy iray, 22 taona, mpanangona vokatra lavanila ao Manakara, no nisy namono tamin’ny fomba feno habibiana, ary lehilahy iray hafa, mpitarika cyclo-pousse izay niaraka taminy no naratra mafy, tamin’io datin’ny 18 Aogositra io tao amin’ny fokontany Lalinovy, kaominina ambanivohitr’i Manakara. Ilay naratra mafy moa dia efa nalefa namonjy toeram-pitsaboana ao Manakara. Telo andro taty aoriana dia fantatra fa telolahy no nandray anjara mivantana tamin’io vono olona sy fandratràna izay niseho tao Mahatsinjo, kaominina ambanivohitr’ i Manakara io. Mbola tsy fantatra ny tena antony fa mitohy ny fanadihadiana.

Pati