MAINTIRANO

Olona 4 votsotra teo am-pelatanan’ny dahalo

Fandriampahalemana
Talata 30 Aprily 2024

Taorian’ny distrikan’Anjozorobe dia mirongatra ihany koa ny asan-dahalo miaro

fakana olona an-keriny any amin’ny distrikan’i Maintirano. Nosakanana jiolahy tao avaratr’i Bemena, Faritra Melaky ny olona maromaro ny 26 Aprily lasa teo raha tsiahivina. Lasan'ireo olon-dratsy an-keriny nandritra izany ny olona miisa 4. Niantso mpitandro ny filaminana avy hatrany ny fianakavian’ireto farany nandritra izany saingy nandrahona azy ireo jiolahy mba hamerina ireo mpitandro ny filaminana raha tsy izany dia hovonoin’izy ireo ireo olona efatra ireo. Nanao ny sakana rehetra nanaronana ny alan'Analakinapa ny zandary taorian'izany na dia nisy aza ny fandrahonana.Votsotra teny amin'ireo jiolahy noho io antony io i Angela, 15 taona, afak’ omaly Alahady 28 Aprily izay nilaza fa mbola misy olona miisa 3 voatazon'ireo jiolahy. Votsotra taorian'ny savahao ihany koa izy telo ireo omaly Alatsinainy antoandro ihany ka zazavavy kely 12 taona no zandriny indrindra. Tsy nisy tratra moa ireo jiolahy.
Nangonin’i Pati
Legende : Ireo olona 4 votsotra teo am-pelatanan’ireo jiolahy sy ireo mpitandro ny filaminana !