MAHITSY

Jiolahy mpamaky fiara, nanararaotra olona nivavaka

Fandriampahalemana
Talata 05 Desambra 2023

Lehilahy iray 38 taona no tra-tehaka nanararaotra namaky fiaran'olona teo an-tokontanim-piangonana

tao Mahitsy afak’ omaly Alahady 03 desambra. Ny olona mifantoka mivavaka,izy kosa etsy an-daniny manararaotra misikotra sy mamaky fiarakodian'olona. Sendra nisy nahita tampoka anefa izy nandritra izany ka noraisim-potsiny. Rehefa nosavaina ny anaolahy dia nahatrarana fanalahidy marobe fanaovany ny asa ratsiny. Miantso ny rehetra mba ho mailo araka izany ny zandarimariam-pirenena na dia any am-piangonana aza. Tsy kely lalana mantsy ny ratsy hoy izy ireo, indrindra amin’izao ankatoky ny fankalazana ny fetin’ny Krismasy sy ny faran’ny taona izao.
Pati
Legende : Ity ilay ranamana mpanararaotra olona mivavaka !