MAHITSY

Fasana iray vaky, razana 3 raha kely no lasa

Fandriampahalemana
Alakamisy 15 Febroary 2024

Nitrangana vaky fasana indray tao amin’ny Fokontany Ankadifotsy Ampananina,

kaominina ambanivohitra Mahitsy, distrikan’Ambohidratrimo ny alin'ny Talata 13 Febroary teo. Fasana 01 no vaky tamin’izany ka taolan-dava maromaro no lasa hoy ny vaovao. Razana miisa 03 raha kely no voakirakira tanteraka ka tsy nisy afa-tsy ireo lamban-drazana sisa no tavela tao am-pasana.Olona sendra nandalo maraina no nahatsikaritra izany vaovao mampalahelo izany ary nampandre ny mponina tao an-tanàna. Ireto farany indray no nampandre ny tompon'andraikitra isan-tsokajiny taorian’izany ary efa misokatra ny fanadihadiana. Tsiahivina moa fa ankoatra ny distrikan’Arivonimamo dia anisan’ny toerana ahitana vaky fasana betsaka ny ao amin’ny distrikan’Ambohidratrimo.
Pati
Legende : Ity ilay fasana vaky !