Mahatsinjo Alasora

Fatin-dehilahy iray hita niantona

Fandriampahalemana
Talata 10 Jona 2025

Nahitana fatin'olona nihantona tamin'ny tady teo ambony hazo ny Sabotsy 07 Jona

maraina teo teny amin'ny tobim-piantsonan'ny taksibe zotra 192 teny Mahatsinjo, Alasora. Olona nandalo tampoka no nahita an'Itompokolahy izay tombanana ho tratry ny famoizam-po ka namono tena. Misy koa anefa ireo mihevitra fa mety efa novonoina tany amin'ny toeran-kafa Itompokolahy vao mody nahantona tamin'ny tady. Miantso ny tokony hanaovana fanadihadiana lalina ity tranga ity araka izany ny Ben'ny tanana ao an-toerana mba hivoahan'ny tena marina. Mangataka ny hijerena akaiky ny fandriampahalemana ao an-toerana ihany koa ny mponina raha sanatria ka vono olona marina izao nitranga tao Mahatsinjo izao. Ny fanadihadiana hataon'ny mpitandron'ny filaminana ihany moa no tena hahafantarana ny marina izay efa tonga teny an-toerana nijery ny razana niaraka tamin'ireo mpitsabo eo anivon'ny CSB2 Alasora.
Pati
Légende : Tombanana ho nanana olana manokana na nisy namono Itompokolahy !