MAHAJANGA

Zaza 3 taona naolan'ny sakaizan-dReniny

Fandriampahalemana
Alarobia 14 Janoary 2026

Nitrangana toe-javatra mampalahelo tany

Ambalahonko, fokontany Aranta, Vakim-paritra faha-5 ao Mahajanga ny faramparan'ny volana Desambra 2025 lasa teo. Zazavavy kely iray vao 3 taona monja no naolan'ny sakaizan-dReniny. Raha araka ny loharanom-baovao azo dia vao iray volana monja no niarahan'ilay Ramatoa sy ilay rangahy 32 taona izay sakaizany. Mpanarato ity farany ary mpivarotra filao na trondro kosa ilay Ramatoa. Nandritra ny fotoana tsy nahateo ilay Renim-pianakaviana no nanaraotan'ilay Rangahy nanaovana ny filan-dratsiny tamin'ilay zazakely vao 3 taona monja. Simba tanteraka moa ity farany, hoy ny vaovao. Nandray an-tanana ilay zaza tsy manan-tsiny ny Centre Vonjy raha toa ka naiditra am-ponja vonjimaika kosa taorian'ny famotorana nataon'ny polisy azy ilay Rangahy.
Pati
Légende : Ity ilay lehilahy lehibe tsy mataho-tody !