Fandriampahalemana

Mahajanga Voatafika ny Microcred , lasa ny vola 2 kitapo

Fandriampahalemana
Zoma 16 Martsa 2018

Nisy namaky omaly tokony tamin’ ny 7 ora latsaka fahefany hariva ny banky fampindramam-bola madinika na ny Microcred ao Mahabibo Mahajanga. Fiara tsy mataho-dalana marika Nissan miloko volon-davenona na « Gris » miafara amin'ny ...

17 ny laharany no nampiasaina, raha ny fampitam-baovao vonjimaika. Miisa 6 ireo mpandroba ary ny iray ihany no nisaron-tava, izay mirongo fitaovam-piadiana. Teo amin’ ny fidirana natokana ho an’ ireo mpiasa no nidiran’ireo jiolahy, ka very tamin’ izany ny kitapo miisa 2 nisy vola izay tsy mbola fantatra hatreto ny totalibeny aloha hatramin’ny nanoratana ny vaovao. Nanao antso avo amin’ny fanomezam-baovao ho an’izay mahita io fiara io avy hatrany ny polisin’ny UIR, ka azon’izay manam-baovao atao ny mampandre azy ireo amin’ny alalan’ny ny laharana an-tariby 032 98 888 57, 034 92 667 92. Tena niha nirongatra ity fanafihana toerana mikirakira vola mivantana ity, ka ireny “cash point” na fanakalozam-bola amin’ny alalan’ny finday ireny no tena lasibatra hatramin’ny nisiany, ary izao miampita amin’ny “Microcred” izao. Saika mirongo fitaovam-piadiana mahery vaika toy ny basy “kalachnikov” hatrany ny mpanafika amin’ny ankapobeny, izay mampametra-panontaniana hoe avy aiza marina ? Iza no ao ambadika ?

Toky R