Fandriampahalemana

Mahajanga Tratra ilay teratany vahiny mpamatsy rongony

Fandriampahalemana
Alakamisy 04 Novambra 2021

Lehilahy miisa roa ka tera-tany vahiny ny iray no voasambotry ny Polisy avy ao amin’ny UIR Mahajanga ny 02 novambra lasa teo tokony ho tamin’ny 10ora alina rehefa nahatrarana zava-mahadomelina.

Lehilahy iray hafahafa fihetsika no tsikaritry ny olona nametraka sachet tao amin’ny faritry ny hopitaly Androva. Nampandre avy hatrany ny mpitandro ny filaminana tany an-toerana ireo nanatri-maso ka rehefa tonga ny Polisy dia noraisin’io lehilahy io ilay sachet ary saika handositra izy ka voatanan’ny Polisy. Rehefa natao ny fisavana ny tao anatin’ilay fonosana dia fantatra fa vovona cocaine no tao anatiny. Noentina avy hatrany nanaovana fanadihadiana ity farany ary tamin’izany no nahafantarana ny namany iray tera-tany vahiny mpanome azy io zava-mahadomelina io. Natao ny fikarohana ka tratra tany anaty bar teny amin’ny fokontanin’i Manga io namany io. Marihana fa mbola nahatratrarana fonosan-drongony miisa folo ihany koa teny amin’ity tera-tany vahiny ity.
Pati