Fandriampahalemana

Mahajanga Tratra ilay mpisoloky amin’ny MVola

Fandriampahalemana
Alakamisy 08 Septambra 2022

Tena efa henjana ireo olona mpisoloky amin’ny M Vola. Mpanjifa miisa efatra tao Mahajanga no fantatra fa efa nahazoany vola 1.000.000 ar, 5.000.000 ar, 850.000 ar, sy 430.000 ar avy.

Mody mivezivezy eo amin’ny kiosque manao «dépôt» ireo mpisoloky nefa maka sary ireo laharana ao anaty kahie misy vola betsaka. Antsoiny ireo laharana ireo avy eo ary lazainy fa mpiasan’ny Telma izy ireo hahafahany misandoka hanomezana ny toromarika hahazoany mangalatra sy misintona ny vola.Natao ny vela-pandrika taorian’ny fitoriana napetrak’ireo efa lasibatra ka iray no tratran’ny zandary tany an-toerana ary efa naiditra am-ponja vonjimaika. Lehilahy ny ankamaroan’izy ireo.
Nangonin’i Pati