Mafampana ao Toliara

$Tovolahy nolazaina

Fandriampahalemana
Alatsinainy 17 Novambra 2025

nangalatra volabe notifirina ankitsirano

Mafampana ao Toliara noho ny fisiana tovolahy iray voalaza fa maty voatifitry ny mpitandro filaminana tany ny sabotsy teo. Raha ny filazan'ny fianakaviana dia tsy nisy « mandat d'arrêt » na « mandat de perquisition » kanefa notifirina tany an-tranony ilay tovolahy. Ny ren'ny fianakaviana fotsiny dia hoe: nohampangaina fa nangalatra volan'i Adjoint (180 millions) io lehilahy notifirina afak'omaly tokony ho tamin'ny 4 ora tolakandro io. Maty tsy nisy famotorana sy fitsaràna, hoy izy ireo. Nirodorodo manoloana ny Commissariat central de Police Bazar Toliara ny fokonolona ary avy ao Mahavatse I, maneho ny hatezerany. Mitaky fanazavana amin'i Adjoint Commissaire izay ambaran'izy ireo fa nitifitr'olona ny vahoaka. Nentina tany amin'ny tranom-paty ny vatana mangatsiakan'ilay olona raha ny vaovao omaly. Nisy ny fandaminana sy fampitononiana ny toe-draharaha nataon'ny ny mpitandro filaminana ka tsy mbola nisy fanazavana ofisialy azon'izy ireo nomena avy hatrany, raha ny vaovao omaly. Andrasana ny tohiny...
Toky R