Fandriampahalemana

Loza sy halatra nandritra ny fety Olona dimy no naratra, razana iray no hita

Fandriampahalemana
Alarobia 03 Jona 2020

Nanao tatitra mikasika ny asa niantsorohany nandritra ny fankalazana ny fetin’ny pentekosta teo ny polisim-pirenena omaly ho an’ny teto Antananarivo renivohitra.

Fantatra tamin’izany fa nahatratra 06 ny halatra tsotra nitranga, iray kosa ny halatra moto, miisa telo ny trangana fanendahana. Nahatratra folo ireo tranga niseho ireo ny alahadin’ny pentekosta raha miisa folo ny olona natao fanadihadiana. Ho an’ny alatsinain’ny pentekosta kosa dia nahatratra telo 03 ny trangana fanendahana, 03 ny halatra tsotra raha 03 koa ny halatra moto. Dimy ny isan’ny olona natao famotorana vokatr’izany raha iray kosa ny fandikan-dalana tamin’ny hamamoana an-dalambe. Mikasika ny fandikana ireo fepetra amin’ny fisorohana ny aretina Covid -19 indray dia nahatratra 120 ny fitambaran’ireo olona natao fanadihadiana. Miisa 135 ny lozam-pifamoivoizana nitranga raha tsy nisy ny namoy ny ainy. Olona roa kosa no naratra vokatry ny loza tsotra miisa 02, iray ny mpamily mamo tratra nitondra fiara, iray ny loza niampy fandosirana raha nahatratra roa ny naratra. Iray kosa ny razana hita.

Pati