Lehilahy nitondra basy vita gasy

Tra-tehaka tetsy 67ha

Fandriampahalemana
Alakamisy 21 Desambra 2023

Tra-tehaky ny polisin'ny FIP tetsy 67ha miaraka amin'ny basy vita gasy

nandritry ny fisafoana ny lehilahy iray 23 taona ny alatsinainy 18 desambra 2023, raha ny fampitam-baovao voaray. Fantatra, hoy ny loharanom-baovao, fa misy lehilahy miisa 3 mitondra fitaovam-piadiana toy ny basy miriorio eny amin'ny faritra 67ha sy ny manodidina iny. Noraisim-potsiny ny iray tamin'izy ireo nandritry ny fisafoana nataon'ny FIP, raha tafaporitsaka ny namany roa hafa. Nandritry ny fisavana dia nahitana basy vita gasy, "Big Boss" sy finday miisa 2 ary hety iray teny aminy. Natolotra ny sampan-draharaha miady amin'ny heloka bevava Anosy ity lehilahy voasambotra ity hanaovana fanadihadiana; raha ny fampitam-baovao voaray omaly hatrany.
J. Mirija