Lehilahy miisa 4 tratra namaky fasana

Nilaza ho mitady volamena

Fandriampahalemana
Alarobia 07 Mey 2025

Lehilahy miisa 4 no tratra namaky fasan’andriana tao Iharinandriana,

hoy ny fampitam-baovao voaray omaly. Tra-tehaka namaky fasan’andriana miisa 2 tao amin’ny tendrombohitra Iharinandriana, ao Behenjy, ny Alatsinainy 5 mayy tamin’ny mitataovovonana, izany hoe tamin’ny 12 ora tolakandro mihitsy izy ireo. Nahatsikaritra azy ireo ny mponina ka niantso ny zandary ary voasambotra avy hatrany ireto mpamaky fasana ireto. Nilaza izy ireo fa nitady volamena nefa taolam-paty no hany hitany. Efa eo am-pelatanan’ny zandary ao Ambatolampy izy ireo ary hirosoana ny fanadihadiana, hoy hatrany ny fampitam-baovao voaray omaly.
Nangonin’i J. Mirija