LEHILAHY HITA FATY

Ny rahalahiny ihany no nanafaka ny ainy

Fandriampahalemana
Talata 26 Novambra 2024

Ny rahalahiny iraitampo aminy ihany no fantatra fa nanafaka ny ain’ilay lehilahy iray 48 taona

hita faty tany amin’ny Fokontany Anjozoro Atsinanana, distrikan’i Manjakandriana. Raha tsiahivina kely dia ny alin’ny 21 Novambra lasa teo no nahitana ny razana niaraka tamin’ny lamba norakofany efa nihosin-dra. Rotidrotiky ny zava-maranitra ihany koa ny lohany sy ny tongony izay fantatra fa vono olona niarahan’io rahalahiny iraitampo aminy io tamina tovolahy roa hafa namany. Voalaza ho manana olana ara-tsaina moa Itompokolahy ka niteraka fahasorenana ho an’ilay iraitampo aminy izay niray trano taminy noho ny disadisam-piarahamonina nisy teo amin’izy ireo. Tonga hatramin’ny fanalana ny ainy izany. Mbola nahitana antsy mihosin-dra ihany koa moa teo akaikiny hoy ny loharanom-baovao.
Pati
Legende : Ireto izy telolahy nahavanon-doza !