Lehilahy avy naka mpampanofa vatana

Partagé sur :
• facebook

Omaly 9 febroary 2026, tamin'ny 3 ora 30 minitra maraina,

nahazo tatitra ny zandarin'Ankadikely fa nisy lehilahy iray voahendaka nisy nanindrona antsy ka namoy ny ainy avy hatrany, hoy ny fampitàm-baovao voaray. Teo amin'ny FJKM Ankadikely, kaominina sy distrikan'Antananarivo Avaradrano no voalaza fa nisehoan'io tranga io. Tamin'ny fitsirihana natao dia nahitana dian'antsy miisa 3 teo amin'ny faritry ny feny an-kavanana, tanana an-kavia ary teo ambany fony. Ny ratra be nahazo azy no nitarika ny fahafatesany raha ny loharanom-baovao voaray. Raha ny nambaran'ny fianakaviany dia nilaza ireo vehivavy namany fa avy naka mpampanofa vatana tao amin'ny "Three J" Ankadikely ity lehilahy ity no nisy nanendaka rehefa nandeha nody ka niafara tamin'izao fahafatesany izao. Matetika maka mpampanofa tena ao amin'ity toerana ity izy ary nanamarina izany ny olona namany mpiaraka taminy. Efa vatana mangatsiaka teny amin'ny hopitaly Anosy Avaratra Avaradrano kosa no novantanin'ny fianakaviana. Vehivavy miisa 2 no natao andrimaso hatreto. Misokatra ny fanadihadiana lalina, raha ny fampitàm-baovao voaray hatrany.
Nangonin’i J. Mirija
Lehilahy avy naka mpampanofa vatana
Voahendaka nisy nanindrona antsy
Omaly 9 febroary 2026, tamin'ny 3 ora 30 minitra maraina, nahazo tatitra ny zandarin'Ankadikely fa nisy lehilahy iray voahendaka nisy nanindrona antsy ka namoy ny ainy avy hatrany, hoy ny fampitàm-baovao voaray. Teo amin'ny FJKM Ankadikely, kaominina sy distrikan'Antananarivo Avaradrano no voalaza fa nisehoan'io tranga io. Tamin'ny fitsirihana natao dia nahitana dian'antsy miisa 3 teo amin'ny faritry ny feny an-kavanana, tanana an-kavia ary teo ambany fony. Ny ratra be nahazo azy no nitarika ny fahafatesany raha ny loharanom-baovao voaray. Raha ny nambaran'ny fianakaviany dia nilaza ireo vehivavy namany fa avy naka mpampanofa vatana tao amin'ny "Three J" Ankadikely ity lehilahy ity no nisy nanendaka rehefa nandeha nody ka niafara tamin'izao fahafatesany izao. Matetika maka mpampanofa tena ao amin'ity toerana ity izy ary nanamarina izany ny olona namany mpiaraka taminy. Efa vatana mangatsiaka teny amin'ny hopitaly Anosy Avaratra Avaradrano kosa no novantanin'ny fianakaviana. Vehivavy miisa 2 no natao andrimaso hatreto. Misokatra ny fanadihadiana lalina, raha ny fampitàm-baovao voaray hatrany.
Nangonin’i J. Mirija
 

Tia Tanindrazana

Samia mijoro ho an'i Gasikara.