Kolonely Faneva

Nofoanana ny fety saika ho fitsenana azy

Fandriampahalemana
Alakamisy 29 Janoary 2026

Voalaza ho nesorina tao Menabe sy

nafindra toeran-kafa ny Kolonely Faneva Ralaivay, izay zandary nalaza ho nahavita fampandriana fahalemana goavana tany an-toerana nandritry ny taona maro, raha ny fampitàm-baovao voaray omaly. Namoaka ranty ny solombavambahoakan’i Belo sur Tsiribihina fa nisy ny fandresen-dahatra ny hanajanonana ity Kolonely ity hiadidy ny zandarimariam-pirenena ao Menabe saingy sarotra ny fandidiana, hoy izy . Nisy ny fety saika nokarakarain'izy ireo ho fitsenana azy ny Zoma hoavy izao saingy nofoanana izany, raha ny fanazavany hatrany. Ity fety izay saika natao ity izay mampametra-panontaniana mpanara-baovao samihafa ihany raha toa ka efa nisy firenen-kafa nanao toy izao tany ho any, izany hoe, mpitandro filaminana natao hifantoka amin’ny fampandriana fahalemana kanefa tsenaina amina fetibe makotrokotroka.
Nangonin’i J. Mirija