Fandriampahalemana

Kapoka « bois rond » eny amin’ny Lalana Rocade

Fandriampahalemana
Alarobia 12 Aprily 2023

Tsy ampy taona ny ankamaroan’ireo jiolahy

Nanamafy ny fisafoana natao teny amin'ny rocade ny polisy taorian'ny trangana tsy fandriam-pahalemana miseho teny amin'iny lalam-baovao iny. Nahitam-bokany izany satria dia andian-jatovo mirongo hazo sy kibay no tra-tehaky ny Polisy miafina miandry mpandeha an-tongotra raha vantany vao hariva ny andro. Sady velesin’izy ireo ireo mpandeha an-tongotra no hendahiny ka nisy mihitsy ireo efa voamafy. Miisa 05 lahy ireo tratra hatreto. Fantatra fa izy ireo dia anisan'ireo nively bois rond sy nanendaka ilay ramatoa iray teny Ambohimahitsy niparitaka tao anaty tambajotran-tserasera Facebook . 18 taona no zokiny indrindra amin’izy ireo raha 15 taona no zandriny indrindra. Ankoatra ny lalana eny amin’ny Rocade moa dia ahitana ireo olona mively bois rond hatrany koa ny eny amin’ny lalana digy toy ny miazo an’Ambohibao sy Ambohitrimanjaka iny ka tokony handraisana fepetra ihany koa.
Nangonin’i Pati