Fandriampahalemana

Kaominina Andina Ambositra Hiara-kiasa ny vahoaka sy ny mpitandro ny filaminana

Fandriampahalemana
Talata 26 Septambra 2017

Tontosa soa aman-tsara omaly tany amin’ny kaominina ambanivohitra Andina, distrikan’Ambositra ny fivoriambe faharoa amin’ity taona 2017 ity notarihin’ny ben’ny tanàna ny dokotera Rakotozandrindrainy Raphael.

Nivoitra nandritra izany ny fanaovana tatitry ny zava-bita sy ny fanentanana hanamafisana ny firaisankinan’ny mponina, ny fanatevenana ny fiaraha-miasan’ny vahoaka sy ny mpitandro ny filaminana raha tsy latsa-danja amin’ireo ny fanaovana mangarahara ny zava-bita. An’arivony ireo olona nanatrika ny fivoriana na dia faran’ny herinandro aza avy amin’ireo fokontany 15 isa. Nanambara ny ben’ny tanàna fa anisan’ny asa laharam-pahamehana hotanterahiny ny fanatsarana ny sehatry ny fanabeazana, ny fandriampahalemana ary koa ny fahasalamam-bahoaka. Ho an’ity farany dia olona an-jatony no efa nalana nify maimaimpoana. Ho an’ny Fanabeazana kosa indray dia efa ahitana taona fahadimy ao Andina ankehitriny raha tao amin’ny taona fahatelo dia efa nijanona ny mpianatra tamin’ny taona 1999. Miisa 24.400 ireo mponina ao an-toerana ankehitriny.

Pati