Fandriampahalemana

KAOMININA AMBOHIMANGAKELY Ireo razana misy manary eny amin’ny By-pass no maharatsy laza azy

Fandriampahalemana
Alakamisy 31 Aogositra 2017

Voaresaka hatrany ny Kaominina Ambohimangakely rehefa misy tranga hafahafa miseho any amin’iny lalam-pirenena faharoa iny.

Izy mantsy no Kaominina vavahadin’Antananarivo avy any atsinanana nefa tena midadasika ihany koa. Nomarihin’ny dokotera Naina, Ben’ny tanàna ao an-toerana fa milamindamina ihany ny fandriampahalemana amin’ny faritra iadidiany raha oharina amin’ny faritra hafa. Ireo zava-miseho aty an-drenivohitra amin’ny ankapobeny hoy izy no maharatsy laza an’Ambohimangakely toy ny fisian’ireo razana hita eny amin’ny By-pass…Mikasika ny fananganana andrimasom-pokonolona manokana moa izay hitan’ireo kaominina maro fa vahaolana hahafahana miady amin’ny tsy fandriampahalemana amin’izao dia nomarihin’ny Ben’ny tanànan’Ambohimangakely fa tena sarotra noho ny fiantohana ny ain’ireo mpiambina sy ny fitaovana hampiasainy.

Pati