Fandriampahalemana

Jiolahy roalahy nanafika mpivady Tsy namelan’ny fokonolona raha tsy azo

Fandriampahalemana
Alatsinainy 08 Mey 2023

Lehilahy iray sy vehivavy miisa 2 avy niantsena tao Mandoto hamonjy fodiana any Ambalafenoarivo no nosakanana jiolahy roalahy, raha ny fampitam-baovao voaray ny sabotsy teo tao amin’ny borigadin’i Mandoto.

Naratra mihitsy ilay lehilahy voakapa famaky. Niantso vonjy anefa ireto notafihina ka nisy naheno ary dia nirohotra namonjy ireo mponina manodidina. Na dia nitsoaka aza izy roalahy dia tsy namelan'ny fokonolona raha tsy azo. Eto izahay dia misaotra ireo fokonolona Ambalafenoarivo fokontany sy Kaominina Vasiana, Distrika Mandoto, fa mihatra tanteraka ny toromarika nampitain'ny zandarimaria hifampiarovana samy mpiara-monina, hoy ny zandarimaria ao an-toerana. Naterin'ny fokonolona sy ny kartie mobily teny amin'ny tobim-paritry ny Zandarimaria Mandoto moa izy roalahy ary hatao fanadihadiana sy atolotra fitsarana, hoy hatrany ny voalaza.
J. Mirija