Fandriampahalemana

Jiolahy nandositra teny Antanimora Tratra teny amin’ny Akamasoa

Fandriampahalemana
Alatsinainy 13 Martsa 2023

Jiolahy iray nandositra teny amin’ny fonjaben’Antanimora andro maromaro lasa izay no fantatra fa saron’ny polisin’ny FIP teny amin’ny Akamasoa eny an-tampon’Ambohimahitsy,

raha nanao fisafoana nandeha dia an-tongotra ireto farany ny 11 Martsa teo tokony ho tamin’ny 03 ora folakandro. Ankoatra ny rongony nofohany niaraka tamin’ilay namany vao 16 taona monja dia mbola nahatrarana fonosan-drongony ihany koa tany aminy niampy “barre à pince” sy “mountsaku”. Fantatra moa fa izy roalahy ireto no jiolahy mpamaky trano sy mpanendaka eny amin'iny Faritra Akamasoa sy ny manodidina iny, antony mampitaraina fatratra ireo mponina eny an-toerana. Hiakatra fampanoavana anio Alatsinainy izy mirahalahy ireto.
Pati