Jiolahy nandeha taksibe teny Betongolo

Voaroba ny finday sy volan’ireo mpandeha

Fandriampahalemana
Alarobia 27 Septambra 2023

Jiolahy miisa 3 no nandroba mpandeha tao anaty taksibe teny Betongolo,

raha ny fampitam-baovao voaray omaly. Niakatra toy ny olon-drehetra teo amin'ny "Arrêt Bus" na fiantsonan’ny fiara mpitati-bahoaka teo amin’ny “Chapelle” na fiangonana eo Betongolo izy ireo ary rehefa tonga teo Ambohitrakely ilay fiara dia nandrahona avy hatrany ireo mpandeha rehetra tao anatiny ireo Jiolahy. Voaroba ny finday sy ny volan'ireo mpandeha rehetra. Rehefa azon'izy ireo izay notadiaviny dia nivoaka moramora ny fiara ireo olon-dratsy ka lasa nirifatra nandositra, raha ny fampitam-baovao voaray hatrany.
J. Mirija