JIOLAHY MPANOLANA MPIANTSENA

Maty voatifitra, afa-po ny mponin’i Maroadabo.

Fandriampahalemana
Alatsinainy 02 Desambra 2024

Maty voatifitra ny faran’ny herinandro teo ilay jiolahy sady mpanolana ireo mpiantsena avy any Bevoay sy Befanihy.

Raha araka ny fantatra dia sakanan’io tsy mataho-tody io ny mpiantsena mandeha vao maraina ary haolany. Tsy hanavahana sokajin-taona izany fa hataony mitondra faisana avokoa rehefa vehivavy. Ankoatra izay dia fantatra fa mamono olona ihany koa izy ireo raha tsy lazaina intsony ny fangalaran’omby. Maromaro moa ny namany nifampitifitra tamin'ny mpitandro ny filaminana nandritra ny fifanjevoana saingy izy no lavo ka nahazo saran-dalana ho any amin’ny varo-tsy mifody. Mbola hifampitadiavana kosa ireo namany hafa.
Nangonin’i Pati
Legende : Nopaohan’ny fahafatesana ity jiolahy ity rehefa avy namono sy nanolana vehivavy maro !