JIOLAHY MPANAFIKA ENY BEHORIRIKA

Telolahy no indray lavon’ny balan'ny Polisy

Fandriampahalemana
Alakamisy 19 Desambra 2024

Ao anatin’ny fametrahana ny fandriam-pahalemana amin’ireo faritra maro manerana ny Nosy ny Polisim-pirenena

amin’izao ankatoky ny fankalazana ny Fety izao. Hetsika maro no tanterahin’izy ireo noho izany ka anisan’ireny ny fidinana ifotony sy fisafoana tanterahiny. Ny 12 desambra dia andian-jiolahy mpanao fanafihana mitam-piadiana nikasa hanafika teny amin’iny faritr’i Behoririka iny no sendra ny Polisin’ny CUI sy UIR nanao fanamiana sivily, ka avy hatrany dia nandositra nihazo ny elakelan-trano miakatra an’Ambondrona. Nampitandrina azy ireo ny Polisy, kanefa dia namoaka ny fitaovam-piadiana teny aminy ireto jiolahy ireto. Voatery nitifitra ny Polisy noho izany ka lavo avokoa izy telolahy. Fantatra tamin’ny fanamarinana azy ireo fa isan’ireo rain-dainy amin’ny asa fanendahana sy fanafihana mitam-piadiana eny amin’ny manodidina eny izy ireo ary efa naharaisana fitarainana maro.
Pati
Legende : Tsy mitsitsy ny polisin’ny UIR rehefa manao ny asany.