JIOLAHY AVY NAMAKY TRANO

Tratra tamin’ny andro atoandro tetsy Anosy

Fandriampahalemana
Zoma 05 Janoary 2024

Jiolahy miisa roa mpamaky trano 24 sy 20 taona no voasambotry

ny Polisy ny fifamoivoizana teo amin'ny Ancien Combattant Anosy. Rehefa nandrindra ny fifamoivoizana teo amin'ny Ancien Combattant ny Polisy ny afak’omaly Alarobia 03 janoary tokony ho tamin'ny 03 ora hariva dia nahatsikaritra lehilahy roa mampiahiahy nitondra entana maromaro. Vao nanatona ireto farany ny Polisy dia nikasa handositra izy ireo saingy tsy afaka niporitsaka fa voatazona. Rehefa nosavaina izy ireo dia nahitana unité centrale, téléphone, vary ary kojakoja maro samihafa teny amin'izy ireo. Noentina niazo ny biraon'ny Polisy eo Mahamasina ireo lehilahy roa ireo ho atao famotorana ary niaiky avy hatrany izy ireo fa entana avy nangalarina avokoa ireo tratra teny aminy.
Pati
Legende : Ireto izy roalahy sy ireo entana halatra tratra teny aminy !