Fandriampahalemana

Itaosy Noratrain’ny mpanendaka ny tarehin’ilay vehivavy

Fandriampahalemana
Zoma 28 Aogositra 2020

Vehivavy iray no nendahina tovolahy iray mpanendaka teny amin’ny Cité des Assureurs Itaosy,

omaly maraina. Raha ny filazan'ity vehivavy ity dia nosintonin’ity mpanendaka ity ny finday teny an-tanany ary mbola narahiny antsy lava lela nandratrany ny tarehiny izany, taorian’izany. Tsy lasa lavitra anefa ilay mpanendaka fa vetivety ihany dia tratra saingy mbola nandà mafy ihany. Nisy olona roa nijoro vavolombelona nilaza fa nahita tsara ny zava-niseho anefa nandritra izany ka nentina teny amin’ny paositry ny polisy avy hatrany ilay tovolahy ary efa any am-pelatanan'ny mpitandron'ny filaminana. Tsiahivina moa fa lasa faritra mena amin’ny asa fanendahana ihany koa Itaosy tato ho ato. Amin’ny 05 ora hariva dia efa misy mpanendaka ka maro ireo efa lasibatra.

Sary nindramina