ISOTRY

Nihena 2 indray ny mpanao sinto-mahery

Fandriampahalemana
Alatsinainy 15 Septambra 2025

Nihena 2 indray ireo mpanao sinto-mahery eny Isotry.

Vehivavy avy nisy nanendaka no tonga nametraka fitarainana tao amin'ny Kaomisarian'Isotry ny 13 Septambra lasa teo tamin'ny 11 ora sy sasany. Araka ny fitarainana nataony dia lasan'ireo olon-dratsy ny poketrany. Nidina teny an-toerana ireo Polisy manao fanamiana sivily nikaroka ireo jiolahy nanao ny asa ratsy. Natao ny fanarahan-dia sy velam-pandrika ka tratra teo am-panaovana ny asa ratsiny teo amin'ny Bazar-ma Isotry ireo mpanao sinto-mahery roalahy. Poketra miisa roa vao avy noendahina no hita teny amin'izy ireo nandritra ny fotoana nisamborana azy roalahy ireto. Nentina teny amin'ny biraon'ny Polisy natao famotorana ireto mpanao sinto-mahery ireto hanokafana fanadihadiana mialohan'ny hanolorana azy ireo eo anatrehan'ny fampanoavana anio Alatsinainy.
Pati
Légende : Mpanendaka tahaka azy roalahy ireto daholo no mety hameno ny fonja eto amintsika !