Fandriampahalemana

ISOTRY Lehilahy 3 tratra avy namaky trano

Fandriampahalemana
Alatsinainy 04 Mey 2020

Lehilahy telo no voasambotry ny polisim-pirenena avy ao amin’ny CSP4 Isotry sy ny voamieran’ny Fandriam-pahalemana omaly alahady fa 03 may 2020 teny amin’ny faritr’i Manarintsoa iny rehefa avy namaky trano.

Manoloana ny firongatry ny tsy fandriam-pahalemana nandritra ny fotoam-pihibohana dia nampitomboina ny fisafoana nataon’ny polisim-pirenena avy ao amin’ny CSP4 amin’ny alina, ary iarahana amin’ireo voamieran’ny fandriam-pahalemana rehetra eny an-toerana izany. Tokony ho tamin’ny 03 ora maraina no nandalo teo amin’ny faritra Vorodamba ireo mpanao fisafoana ireo. Nifanehatra tamina lehilahy 03 nitondra fitaovana maromaro izy ireo tamin’izany ka dia nosakanana avy hatrany ireto farany. Rehefa nosavaina izy 03 lahy dia nahitana fitaovana toy ny baramina sy antsy ary fitaovan-dakozia maro teny amin’izy ireo. Nogiazana avy hatrany ireo entana ireo ary tamin’ny fanadihadiana azy ireo no nahafantarana fa entana azony tamina trano iray vao avy nataony teny amin’ny manodidina ireto farany. Mbola mitohy ny fanadihadiana.

Pati