Fandriampahalemana

Isoanala betroka Olona 2 maty rotiky ny bala

Fandriampahalemana
Zoma 14 Aogositra 2020

Mitohy ny fikarohana ireo olon-dratsy roalahy nitifitra nahafaty mpampianatra iray sy lefitry ny lehiben'ny fokontany, tany Antsonjomalinika, 6 kilaometatra miala an'Isoanala Betroka.

Ny Alahady teo no nitrangan’izany tany an-toerana tokony tamin'ny 7 ora sy sasany hariva. Avy namonjy fetim-pianakaviana avy tany Sakoamasy ilay mpampianatra sy ny lefitry ny sefom-pokontany tamin’io fotoana io. Niara-dalana hody izy ireo ary nisy namana iray nanatitra. Teny an-dalana, tao anaty haizina anefa, nisy roalahy mitam-basy nanakana azy ireo. Tafaporitsaka ilay mpanatitra ary nampandre ny fokonolona sy ny zandary avy hatrany. Ilay mpanabe sy ilay namany kosa rotiky ny balan'ireo jiolahy. Nahitana diam-bala efatra ny iray ary roa ny iray hafa. Lasan'ireo nitifitra ny fananana kely teny amin'izy mirahalahy. Misokatra ny fanadihadiana mikasika ity raharaha vono olona ity.

Pati