IMERINTSIATOSIKA

Vehivavy novonoina dia nariana tao anaty hady

Fandriampahalemana
Alarobia 21 Aogositra 2024

Vehivavy manodidina ny 30 taona eo ho eo no hita faty tao anaty hady atsimon'ny tendrombohitra Ambohimanga,

Fokontany Miakadaza, kaominina Imerintsiatosika, omaly Talata 20 Aogositra tokony ho tamin’ ny 2 ora folakandro. Mpanao biriky teo akaiky nandeha nanary maloto no sendra nahita ny razana izay nivalampatra tsy nisy fofon’aina intsony. Tsy nisy nahafantatra moa ity vehivavy ity rehefa nampahafantarina ireo tompon’andraikitra rehetra tao an-tanana ka vory ny fokonolona. Tsy nisy taratasy nahafantarana azy rahateo tany aminy. Mbola hita tsy lavitra teo moa ny rà namonoana ity vehivavy ity ankoatra ny nandidiana ny tendany sy nandrangotaka ny lamosiny. Ao amin’ny tranom-patin’ny hopitaly Imerintsiatosika no misy ny razana ho an’ireo sanatria ka manana havana tsy hita na nanjavona tampoka.
Nangonin’i Pati
Legende : Ity ilay vehivavy !