Fandriampahalemana

Ikalamavony Basy vita gasy 130 no tafaverin’ny mpitandro filaminana

Fandriampahalemana
Alatsinainy 29 Jona 2020

Nahitam-bokany ny fanentanana ny mponina tao amin’ny Distrikan’ Ikalamavony hamerina ny basy tsy ara-dalàna eny am-pelatanany hamerenana amin’ny laoniny ny fandriampahalemana.

Basy vita gasy miisa 130 no efa tafaverina, ka ny 40 tao amin’ny « Poste Avancé » Mangidy, ny 36 tao Solila, ny 20 tao Ambatomainty, ny 18 tao amin’ny brigadin’i Fitampito ary ny 16 tao amin’ny brigady Ikalamavony. Mitohy ny fikarohana ireo basy tsy ara-dalàna. Hatreto anefa dia tena sesilany ny fanafihana mitam-piadiana eto amintsika. Maro dia maro izay basy izay tratra naverina eny amin` ny mpitandro filaminana saingy betsaka ihany koa no eny an-tanan` ny dahalo. Mbola tsy nahitam-bokany na iray aza ny fihaviany sy ny mpamatsy.

Marigny A.