Fandriampahalemana

Ifarihy - Tanjombato Tratry ny vela-pandrika ilay mpivarotra rongony

Fandriampahalemana
Alarobia 23 Febroary 2022

Lehilahy iray 20 taona nivarotra zava-mahadomelina no voasambotry ny polisy tamin’ny Alatsinainy lasa teo teny Ifarihy/Tanjombato.

Nametraka paik’ady ny Polisim-pirenena miasa ao amin’ny commissariat central Atsimondrano mba hamongorana sy hahatrarana ireo mpanao ratsy ao aminy. Fantatr’izy ireo ny olona mpamatsy zava-mahadomelina amin’iny faritra iny izay isan’ny antony mahatonga ireo zatovo irona amin’ny fanaovana asa ratsy rehefa mahazo sy maharay izany. Natao ny fanaraha-maso sy ny vela-pandrika tamin’ny alalan’ny fampiasana ireo Polisy manao fanamihana sivily ka tra-tehaka niaraka tamin’ny rongony ny lehilahy izay nofonosina sy naorina tao anaty sakaosy. Mipetraka eny amin’ny faritra Ambatobe/Ambohijanaka ny lehilahy ary misy manatitra ao aminy izany. Mivarotra antsinjarany indray ity lehilahy ity aorian’izany hamatsiany ireo zatovo eny Ifarihy.

Pati

Legende : Ity ilay lehilahy tratra nivarotra rongony teny Ifarihy Tanjombato