Fandriampahalemana

Idanda Fianarantsoa Mpamaky trano roa no tratra

Fandriampahalemana
Zoma 22 Mey 2020

Lehilahy miisa 02 no voasambotry ny polisim-pirenena avy ao Idanda Fianarantsoa ny alarobia faha 20 mey teo noho ny resaka vaky trano. Vehivavy

iray monina ao Ambonifahidrano no tonga nametraka fitoriana teo anivon’ny CSP2 Idanda Fianarantsoa ny tamin’io andro io noho ny fahavakian’ny tranony. Very tamin’izany ny fitaovan-dakozia rehetra, bisikileta 02, ary vata fahitalavitra 01. Nanokatra fanadihadiana avy hatrany ny polisy ka tamin’io andro io ihany dia nahazo loharanom-baovao mahakasika ny fisiana tovolahy 02 mampiahiahy ny mponina. Nosamborina avy hatrany izy roalahy ireo izay 25 taona sy 24 taona, monina manodidina fokontany Ambonifahidrano ihany koa. Nandritra ny fisavàna ny toeram-ponenan’izy ireo dia tra-tehaka tao avokoa ireo entana vao avy nangalariny. Aorian’ny fanadihadiana izay mbola hatao amin’ireto olon-dratsy ireto dia haverina amin’ny tompony ireo entana ireo.

Pati